Bewysleiers is bekommerd oor die beweerde misbruik van die Misdaadintelligensie

Saamgestel deur Nadia Pieters
Jul 6
1 min read

Bewysleiers by die Madlanga-kommissie van ondersoek het kommer uitgespreek dat Misdaadintelligensie vir faksie-, persoonlike en vergeldingsdoeleindes gebruik kan word.

Die kommissie het Maandag voortgegaan om getuienis teen die adjunkhoof van Misdaadintelligensie, generaal-majoor Feroz Khan, in sy afwesigheid aan te hoor.

WhatsApp-gesprekke voor die kommissie toon dat Khan ontevrede was met ’n artikel wat in 2021 deur die Daily Maverick-joernalis Marianne Thamm gepubliseer is.

Volgens bewysleier Adila Hassim is daar twee maande nadat Khan ’n boodskap aan sy vriend gestuur het waarin hy sê ’n teenmaatreël moet geaktiveer word, by die joernalis se huis ingebreek.

Sy sê hoewel daar geen afdoende bewyse is wat die inbraak met die WhatsApp-uitruiling verbind nie, die volgorde van gebeure kommerwekkend is en verdere ondersoek regverdig.