Bfn se FWA help om vermeende diewe vas te trek

Verdagtes is in Bloemfontein in hegtenis geneem nadat vermoedelik gesteelde eiendom in sy besit gevind is.

Volgens inligting wat deur die Fichardtpark Woonbuurtvereniging (FWA) gedeel is, is ‘n man by die hoek van Vereenigingrylaan en Curielaan aangekeer nadat hy glo besig was om kameras in sy sak te sit.

Sekuriteitspanne het twee huiskameras by hom gevind, terwyl ’n tweede verdagte ook met ’n sonpaneel en lig in sy besit betrap is.

Die polisie is ontbied en die twee is in hegtenis geneem op aanklagte van die besit van vermoedelik gesteelde eiendom.

Volgens die FWA word een van die verdagtes ook met ’n huisbraaksaak, wat verlede maand in Fauna aangemeld is, verbind.

FOTO: Verskaf