Binnelandse Sake beoog om digitale ID's uit te rol

Die Departement van Binnelandse Sake sê hulle beoog om teen 2029 digitale identiteitsdokumente met afstandverifikasie uit te reik. Amptenare van die departement het gister parlementslede oor die departement se strategiese prestasieplan ingelig. Hulle sê Suid-Afrikaners sal ook toegang tot e-paspoorte hê, en byna eenduisend banktakke sal burgerlike dienste aanbied. Die departement sê hulle wil hê alle Suid-Afrikaners moet na slim identiteitsdokumente en e-paspoorte oorskakel.