Binnelandse Sake hou nie rekord van dubbele burgerskap nie
- Saamgestel deur Nadia Pieters
- 2 hours ago
- 1 min read
Die Departement van Binnelandse Sake sê hy hou nie 'n omvattende register van Suid-Afrikaners wat dubbele of veelvuldige burgerskap besit nie.
Die minister van Binnelandse Sake, Leon Schreiber, het dié bevestiging gegee in antwoord op 'n parlementêre vraag van die ATM-LP, Vuyo Zungula.
Zungula wou weet hoeveel Suid-Afrikaners ook burgerskap van ander lande het en watter lande die meeste gevalle van dubbele burgerskap verteenwoordig.
Schreiber sê die departement beskik nie oor 'n gekonsolideerde register van dié inligting nie.
Hy voeg egter by dat dit nie die gevolg van administratiewe tekortkominge is nie, maar eerder van die huidige grondwetlike en wetlike raamwerk.
Comments