Binnelandse Sake versnel die uitfasering van groen ID-boekies
- Saamgestel deur Nadia Pieters
- Jun 1
- 1 min read
Die regering versnel planne om die groen strepieskode-identiteitsdokument uit te faseer.
Die minister van Binnelandse Sake, Leon Schreiber, sê die dokument is een van die grootste swakpunte in Suid-Afrika se sekuriteitstelsel.
Volgens Schreiber vorm die uitfasering deel van die regering se poging om onwettige immigrasie, identiteitsbedrog en georganiseerde misdaad te bekamp.
Hy sê die groen ID-boekie word gereeld misbruik vir identiteitsdiefstal en ander kriminele aktiwiteite.
Die departement moedig Suid-Afrikaners aan om eerder die slim-ID-kaart te gebruik, wat oor beter veiligheidskenmerke beskik.
Comments