Binnelandse Sake wil dormante partye voor die verkiesing verwyder

Die Departement van Binnelandse Sake is in ‘n wedloop teen tyd om ‘n nuwe wetsontwerp voor die parlement in te dien voor die volgende plaaslike owerheidsverkiesing.

Die voorgestelde Wysigingswetsontwerp op Verkiesingsaangeleenthede sal poog om drie verkiesingsverwante wette te wysig, insluitend die verpligte deregistrasie van politieke partye wat nie hul bestaan bevestig nie. Verdere wysigings hou verband met die verbetering van die bepalings rakende die geskiktheid van partye om aan verkiesings deel te neem.

Die wetsontwerp moet nog kabinet haal vir goedkeuring, terwyl die volgende verkiesings na verwagting voor die einde van die jaar gehou sal word.

FOTO: Maroela Media