BKS: Nog gevalle is in Bfn aangemeld
Jul 5
1 min read
Die Departement van Landbou in die Vrystaat het 17 nuwe gevalle van bek-en klouseer bevestig. Dit bring die getal bevestigde gevalle in die provinsie op 665 te staan.
SABC-nuus berig die nuwe gevalle is aangemeld in Bloemfontein, Boshof, Smithfield en Bultfontein.
Die departement sê hulle het talle aansoeke van boere vir entstof ontvang. Inentings in hoë risikogebiede kry voorkeur.
Boere word egter aangeraai om aansoeke in te dien sodat die departement die verspreiding van entstof kan beplan asook toekomstige behoeftes.
Comments