BKS: VL sê die huidige bestrydingsplan gaan nie werk nie
Vrystaat Landbou (VL) is bekommerd dat die huidige plan om bek-en-klouseer te bestry, nie gaan werk nie.
Die vise-president van VL, Friedl von Maltitz, sê 'n risiko-gebaseerde model is ontwerp vir lande wat reeds bek-en-klouseer-vry is en slegs geïsoleerde uitbrekings ervaar, en nie vir ’n situasie soos Suid-Afrika s’n nie.
Nova News berig Von Maltitz, wat in Februarie deur VL na Argentinië gestuur is om internasionale inentingstrukture te bestudeer, beklemtoon dat Suid-Afrika dringend moet oorskakel na ’n gekoördineerde massa-inentingsbenadering. Dit behels dat alle vee binne ’n bepaalde sone vinnig ingeënt word, met ’n opvolg- of skraagdosis binne twee tot ses weke.
Die president van VL, Francois Wilken, beklemtoon verder dat die Wêreldorganisasie vir Dieregesondheid (WOAH) duidelike riglyne stel vir massa-entingsprogramme. Hy sê tans is daar geen sigbare, gestruktureerde nasionale plan in plek nie.
Comments