Bloemfontein se Oorlogsmuseum kry weer 'n skoon oudit
- Saamgestel deur Nadia Pieters
- Aug 6
- 1 min read
Die Oorlogsmuseum in Bloemfontein het vir die vierde agtereenvolgende jaar 'n skoon oudit ontvang.
Volgens Bloemnuus Express het die Ouditeur-generaal dié prestasie as 'n voorbeeld van goeie bestuur en aanspreeklikheid beskryf.
Die museum het ook die afgelope 16 jaar geen vrugtelose, vermorsende of onreëlmatige besteding aangeteken nie.
Daarbenewens is al sy prestasieteikens die afgelope agt jaar bereik.
Die museum, wat onder die Departement van Sport, Kuns en Kultuur val, brei steeds uit met nuwe uitstallings en projekte om die geskiedenis van die Anglo-Boereoorlog vir nuwe geslagte toeganklik te maak.
Comments