Die ANC waarsku teen ‘n bedrogspul

Die ANC het die publiek gewaarsku teen ’n vals aanbod van R300 wat aanlyn versprei word en na bewering deel is van die party se 2026-verkiesingsveldtog.

Die party sê hy het nie die aanbod gemagtig nie en doen ’n beroep op mense om nie op verdagte skakels te klik of persoonlike en bankbesonderhede te deel nie.

Enigiemand wat sensitiewe inligting bekend gemaak het, moet onmiddellik hul bank kontak.

Die ANC doen ook ’n beroep op die publiek om inligting deur die party se amptelike kommunikasiekanale te verifieer en bedrieglike boodskappe aan te meld.

Ter illustrasie. FOTO: Wix