Bloemfontein se Strydom-huis is binnekort ‘n filmateljee

As deel van hul verbintenis om staatsbates te optimaliseer en die groei van die kreatiewe bedryf te ondersteun, hergebruik die Departement van Openbare Werke en Infrastruktuur die tans ongebruikte Strydom-huis in Bloemfontein. Die departement sê op hul Facebook-blad hulle gaan die gebou aan die Departement van Sport, Kuns, Kultuur en Ontspanning oorhandig, wat beplan om 'n filmateljee te vestig. Die filmateljee sal tot die voordeel van Vrystaatse kunstenaars wees deur werksgeleenthede in verskeie kreatiewe en tegniese velde te skep. Boonop sal dit ook die Vrystaatse ekonomie as geheel 'n hupstoot gee en dien as 'n platform om storievertelling te bevorder en plaaslike talent ten toon te stel.