Bloemfontein takel onwettige afval een hoop op 'n slag

Die vaste-afval- en vlootbestuurspan in die Mangaung Metro Munisipaliteit doen hul deel om Bloemfontein skoon te hou. Volgens hul jongste weeklikse verslag op die munisipaliteit se sosiale media blad, het hulle 16 hope onwettig gestorte afval skoongemaak, dit is gelykstaande aan ongeveer 33 vragte. Die skoongemaakte terreine sluit die SouthPark-stortingsterrein, Bainsvlei-begraafplaas en die Bothshabelo H-afdeling in. LUR vir beplanning en ekonomiese ontwikkeling, Vuyelwa Jonas, beklemtoon die belangrikheid van gemeenskapsbetrokkenheid en sê dat mense onwettige storting moet stop en hul woonbuurte skoon moet hou. Sy voeg by dat hulle as 'n stad daartoe verbind is om 'n skoner, groener en meer leefbare omgewing vir almal te skep.