Bloemfontein toon groot gees by die eerste Vrystaat SAPD Halfmarathon

Bloemfontein het vandag besonderse gees getoon toe meer as 800 deelnemers aan die beginstreep van die eerste Vrystaat SAPD Halfmarathon saamgedrom het. 

Onder die deelnemers was ervare atlete, eerste-keer hardlopers, polisielede en inwoners.

Die wedloop, aangebied deur die Suid-Afrikaanse Polisiediens in die Vrystaat, is beskryf as ’n historiese oomblik vir die provinsie.

Inkomste uit die byeenkoms gaan aan die SAPS Education Trust (SAPSET), wat sedert 2010 studiekoste dek vir kinders van beamptes wat in diens gesterf het.

Volgens luitenant-generaal Baile Motswenyane, provinsiale kommissaris van die SAPD, was die dag ’n groot sukses.

Met só ’n positiewe begin beoog die SAPD om die halfmarathon ’n jaarlikse gebeurtenis te maak.

Vrystaat SAPD Halfmarathon. FOTO: Verskaf