Bloemfontein verwelkom nuwe verpleegstudente

Saamgestel deur Nadia Pieters
5 days ago
1 min read

Met ongeveer 3 000 vakatures wat gevul moet word, is ‘n nuwe groep studente aan die Vrystaatse Verpleegskool in Bloemfontein aangespoor om hard te studeer en professionaliteit te handhaaf.

Die LUR vir gesondheid, Monyatso Mahlatsi, het die klas verwelkom en aangemoedig om deernis en pasiëntgesentreerde sorg as die kern van hul reis te hou.

Luidens ‘n plasing op sosiale media het hy ook studente herinner dat alhoewel verpleging baie uitdagings het, is hulle nie onoorkombaar wanneer dit deur 'n doel gelei word nie.

Administrasiehoof, Ernst Mohlaho, sê die werwing van nuwe verpleegkundiges is noodsaaklik om TB, MIV en Vigs, asook moeder- en kindergesondheid, en leefstyl siektes aan te pak.