Bloemfonteiners in sekere gebiede kan 12 uur lank sonder water wees
2 days ago
1 min read
Weens die installering van meters en skoonmaakwerk by die Ou Naval Hill-reservoir kan dele van Bloemfontein Donderdag vir sowat 12 uur sonder water wees.
Volgens die Mangaung Metro Munisipaliteit sluit die geaffekteerde gebiede Naval Hill, Roxanne, President Hotel en dele van Westdene en Arboretum in, asook omliggende gebiede wat water uit die reservoir ontvang.
Die onderbreking begin om agtuur Donderdagoggend, en watertoevoer sal na verwagting teen agtuur die aand herstel wees, mits die werk betyds afgehandel word.
Inwoners en ondernemings in die betrokke gebiede word aangeraai om vooraf genoeg water vir noodsaaklike gebruik op te gaar en dit spaarsamig te gebruik terwyl die werk aan die gang is.
Comments