Bloemfonteiners word oor erge donderstorms gewaarsku
Sep 3
1 min read
Bloemfonteiners word gewaarsku om versigtig te wees weens die moontlikheid van erge donderstorms.
Volgens inligting wat deur die Mangaung Metro Munisipaliteit gedeel is, het die Suid-Afrikaanse Weerdiens ’n geel vlak 2-waarskuwing vir erge donderstorms oor die sentrale binneland uitgereik.
Die weer kan plaaslik skade aan eiendom, voertuie en infrastruktuur veroorsaak, terwyl oorstromings in laagliggende gebiede en op paaie ook moontlik is.
Groot hoeveelhede klein hael, sterk wind, omgevalle bome en swak sigbaarheid op paaie kan ook voorkom.
Mense word aangeraai om oorstromingsgebiede en laagliggende brûe te vermy, los buite-strukture vas te maak en binnenshuis te bly tydens donderstorms.
Comments