Bloemfonteinse entrepreneur draai koffie op sy kop

Bloemfonteinse entrepreneur en eienaar van Buttercup Farmhouse, Chantelle de Bruyn, het in 2019 haar besigheid geregistreer met die doel om groente-speserye te vervaardig. The South African berig sy bied nou haar kenmerkende Cucurbita Latte aan – dit is groente-koffie gemaak van botterskorsie – en beplan om skudaanvullings, peuselhappiestafies, groente-roomys en tee te produseer. Met vaardighede in produkontwikkeling wat sy aan die Amerikaanse Ambassade en die Raymond Ackerman Akademie opgedoen het, bring sy innovering en gesondheidsvoordele in lyn met kliënte se behoeftes. Buttercup Farmhouse, wat 11 werknemers in diens het, verkoop produkte by Food Lover’s Market-winkels in verskeie provinsies, met aanlynverkope wat van volgende maand af beskikbaar sal wees. Terwyl De Bruyn deur die Vrystaatse Regering, die National Youth Development Agecny (NYDA) en internasionale beleggers ondersteun word, het Buttercup reeds verskeie toekennings ontvang en beplan om wêreldwyd die mark te betree.