Bloemfonteinse prokureurs en advokate pak mekaar op die rugbyveld
Die hofsaal maak volgende week plek vir die rugbyveld wanneer Bloemfontein prokureurs en advokate mekaar op Shimlapark aandurf.
Volgens Netwerk24 berei albei spanne voor vir die tradisionele kragmeting op 30 Oktober, waar mededinging en ’n goeie skeut humor hand aan hand gaan.
Adv. Neil “Siya” Snellenburg, wat die advokate aanvoer, sê sy span is hoogs gemotiveerd en sien uit na die geskiedkundige wedstryd. Die prokureur-span se bestuurder, Marius Janse van Rensburg, sê hulle het 15 jaar gehad om voor te berei.
Die spanne se onderlinge tergery is reeds aan die gang, met die advokate wat grappenderwys sê hul rooi truie sal keer dat die prokureurs hulle sien bloei.
Die wedstryd beloof dus nie net strawwe rugby nie, maar ook heelwat vermaak vir die toeskouers.
Comments