Die Vrystaatse polisie loods hul operasie vir ’n veiliger feestyd

Die Vrystaatse polisie loods dié week hul Operasie vir ’n Veiliger Feestyd in Bultfontein.

Volgens die polisie is die doel om misdaadvoorkoming op te skerp, polisie-sigbaarheid te verhoog en wetstoepassing gedurende die feestyd te versterk.

Gerigte operasies, padblokkades en ander misdaadvoorkomingsaksies vorm deel van die plan. Die polisie sal ook met ander wetstoepassingsagentskappe en belanghebbendes saamwerk om misdaad te bekamp en ’n veiliger omgewing vir inwoners, ondernemings en besoekers te skep.

Mense word aangemoedig om misdaad aan te meld en inligting met die polisie te deel wat kan help om misdaad te voorkom en op te los.

Ter illustrasie. FOTO: EWN