BLSA sê die land het ‘n dringende hervorming van die elektrisiteitsektor nodig

Business Leadership South Africa (BLSA) sê die land het ‘n dringende hervorming van die elektrisiteitsektor nodig. Die organisasie sê hulle is bekommerd oor onlangse foute met elektrisiteitstariewe.

Die Nasionale Energiereguleerder staar openbare verontwaardiging in die gesig nadat hulle ‘n fout erken het wat elektrisiteitspryse in die toekoms verder sal laat styg.

BLSA sê Suid-Afrika moet die pad na mededingende elektrisiteitsmarkte versnel. Die organisasie glo dat dit uitdagings met betrekking tot elektrisiteitsvoorsiening en -koste in die land sal oplos.