Boere word versoek om die beweging van diere te beperk

Saamgestel deur Nadia Pieters
Jan 20
1 min read

Boere word versoek om die beweging van diere te beperk en streng biosekuriteitsmaatreëls te volg.

Dit volg nadat bek-en-klouseergevalle in die Vrystaat met 29 nuwe bevestigde infeksies toegeneem het, wat die totaal op 223 te staan bring.

SABC News berig die provinsiale Departement van Landbou sê verskeie uitbrekingsgebiede is geïdentifiseer, wat streng kwarantynmaatreëls en bewegingsbeperkings op plase naby geaffekteerde gebiede tot gevolg het.

Amptenare het ook vermeende gevalle in dele van die Xhariep-distrik aangemeld.

Die departement het 130 000 entstofdosisse bekom en waarsku dat versuim om aan biosekuriteitsregulasies te voldoen, die verspreiding van die siekte kan versnel.