BOKS: Fillippynse legende Manny Pacquiao klim weer terug in kryt vir titelgeveg

Die Filippynse legende en ‘n voormalige senator Manny Pacquiao het sy uittrede onderbreek om weer deur die toue te klim vir die Wêreldboksraad se weltergewig-kampioenskap op 19 Julie in Las Vegas. Diè 46-jarige is die enigste bokser wat wêreldkampioenskappe in agt afsonderlike gewigsklaste gewen het en was ook die oudste weltergewig-kampioen toe hy op 40-jarige ouderdom diè titel ingepalm het in 2019. “Pacman”  soos hy in die kryt bekend gestaan het sal die 30-jarige Mario Barrios in die MGM Grand aandurf en het op sy Instagram-blad geskryf het dat hulle geskiedenis gaan maak.