Bonnie Tyler is in 'n koma

Saamgestel deur Ilde Roos
May 9
1 min read

Die sangeres Bonnie Tyler is in ’n kunsmatige koma geplaas om haar herstel te bevorder nadat sy ’n noodoperasie aan haar ingewande ondergaan het.

Die BBC berig die 74-jarige Walliese sangeres is Woensdag na ’n hospitaal naby haar huis gehaas vir die prosedure, en besig was om te herstel toe sy in 'n koma geplaas is. 'n Woordvoerder sê hulle vra vir privaatheid gedurende die moeilike tyd.

Meer as 2 000 mense het kommentaar geplaas onder ’n plasing op Tyler se Facebook-blad om haar sterkte toe te wens. Aanhangers van regoor die wêreld het ondersteunende boodskappe gestuur, insluitend mense wat soortgelyke operasies ondergaan het.

Vrydag het ’n plasing op Tyler se Facebook-blad mense bedank vir die ongelooflike uitstorting van liefde en goeie wense wat hulle die afgelope paar dae vir Tyler ontvang het.