BP maak sy grootste olie- en gasontdekking hierdie eeu

Die energiereus BP sê dat hy sy grootste olie- en gasontdekking hierdie eeu gemaak het terwyl hy sy fokus weg van hernubare energie en terug na fossielbrandstowwe verskuif.

Die Britse firma het gister gesê dat hy toetse op die terrein in diep water langs Brasilië se ooskus uitvoer.

Die BBC berig dat die ontdekking ‘n belangrike rol kan speel in BP se planne om ru-olieproduksie te verhoog.

Die maatskappy se uitvoerende hoof, Gordon Birrell, sê die ontdekking is BP se grootste in 25 jaar en dat die firma die bou van ‘n produksiesentrum daar sal ondersoek.