Brandkop-reservoir word prioriteit gegee

Vaal Cenral Water prioritiseer om die Brandkop-reservoir vol te maak. Die Mangaung Metro Munisipaliteit het ’n opvolgkennisgewing gestuur oor moontlike wateronderbrekings in groot dele van Bloemfontein en omliggende areas. ’n Vroeëre kennisgewing dui aan dat hoë troebelheid en oorblyfsels die Welbedacht-waterbehandelingsaanleg beïnvloed. Die uitdaging ontstaan weens die opknappingswerk aan die Maselspoort-waterbehandelingsaanleg, wat nie tans kan help om geraakte gebiede van water te voorsien nie. Die nuutste kennisgewing stel dat twee van Vaal Central Water se strategiese reservoirs tot kapasiteit gevul is, maar dat die hooflyn steeds onder druk bly. Die Brandkop-reservoir is tans 30% vol en geniet prioriteit. ’n Span monitor die aanleg noukeurig om watergehalte te verseker. Die Stad vra om verskoning vir die ongerief en hou inwoners voortdurend op hoogte.