Brandstof is goedkoper in Botswana as in SA

Saamgestel deur Ilde Roos

5 days ago

1 min read

Petrol en diesel is goedkoper in Botswana as in Suid-Afrika. Dit is ondanks die feit dat die buurland die meeste van sy brandstof uit Suid-Afrika invoer.

Botswana vra sowat R21,89 per liter vir 95-oktaan loodvrye petrol, wat meer as R8 goedkoper is as in Suid-Afrika. Diesel kos sowat R25,16 per liter in Botswana, teenoor Suid-Afrika se groothandelprys van R33,29 per liter.

Botswana reguleer brandstofpryse deur die Botswana-owerheid vir Energieregulering, wat pryse aanpas wanneer nodig.

In Suid-Afrika word brandstofpryse intussen maandeliks aangepas op grond van internasionale oliepryse en wisselkoersbewegings.