Brandstofpryse kan in November wéér styg
Motoriste kan in November weer ’n brandstofprysverhoging verwag, met voorlopige ramings wat op ’n styging van meer as R2 per liter vir petrol dui.
Maroela Media berig berekeninge van die Sentrale Energiefonds dui ook op duurder diesel, hoewel die finale prysaanpassings nog nie bevestig is nie.
Die vooruitsig volg op ’n skerp styging in brandstofpryse vroeër vandeesmaand.
Internasionale oliepryse, spanning weens die konflik tussen die VSA en Iran, asook die rand-dollar-wisselkoers beïnvloed die plaaslike brandstofprys.
Verdere verhogings kan huishoudings en ondernemings onder groter druk plaas, aangesien hoër brandstofkoste ook vervoer- en produksiekoste kan opstoot.
Die regering oorweeg intussen ’n moontlike toewysing van R10 miljard om brandstofkoste te help verlig, maar enige ingryping is nog nie gewaarborg nie.
Comments