Brandstofpryse maak die boubedryf bekommerd

Stygende brandstofpryse wek kommer oor moontlike werksverliese in die boubedryf.

Volgens Eyewitness News waarsku rolspelers dat hoër brandstofkoste projekte kan vertraag en druk op kontrakteurs plaas.

Die Construction Alliance South Africa sê duurder vervoer, boumateriaal en masjinerie maak dit al hoe moeiliker om projekte betyds en binne begroting te voltooi.

Woordvoerder Musa Shangase sê kleiner kontrakteurs kan veral swaarkry en moontlik hul bedrywighede moet inperk of personeel verminder.

Hy doen ’n beroep op beter samewerking in die sektor om projekte en werksgeleenthede te beskerm.

Die regering het intussen tydelike verligting met die brandstofheffing aangekondig en sê die situasie word fyn dopgehou te midde van internasionale onsekerheid.

Ter illustrasie, FOTO: Unsplash