Brandstofpryse styg dalk weer
- Saamgestel deur Nadia Pieters
- 2 hours ago
- 1 min read
Motoriste kan hulle staal vir nog ’n brandstofprysstyging in Junie, met petrol wat na verwagting met tot R2,38 per liter kan styg.
Nuusflits berig volgens die Sentrale Energiefonds se middelmaand-syfers toon petrol tans ’n onderverhaling, wat beteken die koste om brandstof in te voer en te versprei is hoër as die huidige pompprys.
Die vooruitsig vir diesel is gemeng, met ’n moontlike daling in die 0,05%-graad, maar ’n styging in die 0,005%-graad.
Intussen sal die Nasionale Tesourie se verligting op die brandstofheffing, wat in Mei ingestel is, vanaf Junie gehalveer word.
Kenners sê stygende internasionale oliepryse, asook ’n swakker rand teenoor die dollar, dryf die prysverhogings.
Comments