Brandstofprysverhoging in Februarie verwag

Die nuutste inligting van die Sentrale Energiefonds dui op ’n styging in die prys van brandstof in Februarie. The Citizen berig petrol kan tussen 86 en 93 sent per liter meer kos, terwyl diesel tussen R1.04 en R1.06 per liter duurder sal wees. Paraffien kan ook met 92 sent per liter duurder wees. Dit is belangrik om daarop te let dat hierdie prysverhogings nie amptelik is nie en kan verander voordat dit volgende week in werking tree.