Brandstofverbruikers kan ’n dubbele terugslag beleef

Saamgestel deur Ilde Roos
May 27
1 min read

Suid-Afrikaanse brandstofverbruikers kan in Junie ’n dubbele terugslag beleef.

Ekonome voorspel dat die Suid-Afrikaanse Reserwebank rentekoerse gaan verhoog en die regering die brandstofheffingsverligting van R3 per liter gaan beëindig.

Rosestad-nuus se Ilde Roos verduidelik IOL berig verskeie ekonome waarsku nou dat inflasie in die komende maande nader aan 5% kan beweeg, wat druk op die Reserwebank verhoog om voorkomend op te tree om te verhoed dat hoër pryse permanent in die ekonomie vasgelê word.

LUISTER HIER:

Ilde Roos

0:29

TRANSKRIPSIE:

Volgens ekonome Johannes Khosa en Nicky Weimar het die skerp styging in petrol- en dieselpryse reeds begin deurwerk na breër vervoer- en bedryfskoste. Dit stoot kerninflasie op en verhoog die risiko van tweede-ronde inflasie-effekte. Hulle sê die verskerping van monetêre beleid nou verseker dat die inflasionêre gevolge van die aanbodskok tydelik bly en waarskynlik die behoefte aan ernstiger verskerping later in die siklus beperk.