Britse tieners word binnekort snags van sosiale media afgesny
- Saamgestel deur Nadia Pieters
- 21 hours ago
- 1 min read
Tieners in die Verenigde Koninkryk kan binnekort outomaties snags van sosiale media afgesny word.
Dit vorm deel van nuwe maatreëls om slaap, fokus en gesinslewe te verbeter.
Hoewel gebruikers dié instelling sal kan afskakel, wil die regering hê platforms soos Instagram, TikTok en YouTube moet standaard tussen middernag en sesuur die oggend geblokkeer word.
Die plan stel ook voor dat funksies soos outomatiese speel van video's en oneindige blaai afgeskakel word om oormatige gebruik te beperk.
Die voorstelle volg op vroeëre planne om kinders jonger as 16 van verskeie sosialemediaplatforms te verbied.
Veldtogvoerders meen egter die nuwe maatreëls gaan nie ver genoeg nie omdat dit maklik omseil kan word.
Comments