Buitelanders word verhoed om hul spaza-winkels te registreer

Lede van Operasie Dudula en inwoners van Soweto gaan voort om te verhoed dat buitelandse burgers hulle spazawinkels registreer. SABC-nuus berig die groep is sedert gister by die burgersentrum in Jabulani in Soweto byeen. President Cyril Ramaphosa het Vrydag opdrag gegee dat alle spazawinkels binne 21 dae geregistreer moet word, of hulle sal gesluit word. Dit vorm deel van ingrypings nadat meer as 20 kinders dood is nadat hulle besmette kos geëet het wat na bewering by spazawinkels in Gauteng gekoop is. Die betogers beweer dat buitelanders verhoed moet word om hulle winkels te registreer, omdat geld eerder bestee moet word by winkels wat aan plaaslike inwoners behoort.