Bulldog-eienaars wen ‘n skade-eissaak
- Saamgestel deur Nadia Pieters
- Jun 22
- 1 min read
'n Vrou se eis van honderde duisende rand teen haar bure is deur die hooggeregshof van die hand gewys.
Nova News berig die saak het gevolg nadat Louise Ann Rivett beweer het sy is ernstig beseer toe haar bure se Engelse bulldog haar omgestamp het.
Rivett het aangevoer dat die hond tussen haar bene ingehardloop het en haar laat val het.
Die bure het egter ontken dat die hond enige fisieke kontak met haar gemaak het en gesê sy het geval terwyl sy haar eie honde probeer optel het.
'n Onafhanklike ooggetuie het die bure se weergawe ondersteun en getuig dat die hond haar nie omgestamp het nie.
Die hof het bevind dat Rivett se weergawe onwaarskynlik is en beslis dat sy nie haar saak op 'n balans van waarskynlikhede bewys het nie. Die eis is gevolglik met koste van die hand gewys.
Comments