Carrim bly in aanhouding nadat sy borgtogaansoek uitgestel is
6 days ago
1 min read
Die Noordwes-sakeman Suliman Carrim bly agter tralies nadat sy borgtogaansoek in die Pretoria-landdroshof tot volgende week Woensdag uitgestel is.
Die staat staan borgtog teen en voer aan dat Carrim 'n vlugrisiko is. Dit nadat hy verlede week op die OR Tambo Internasionale Lughawe in hegtenis geneem is kort voordat hy 'n vlug na Dubai gehaal het.
Carrim word aangekla van minagting van die hof omdat hy nié voor die Madlanga-kommissie verskyn het nie nadat hy gedagvaar is om dit te doen.
Comments