Catherine pak drie pieke vir kankerbewusmaking

Catherine, die Prinses van Wallis, het Brittanje se Nasionale Drie Pieke-uitdaging binne 24 uur voltooi. Dit om bewusmaking te skep en geld vir 'n kankerliefdadigheidsorganisasie in te samel.

CBS News berig die uitdaging behels die klim van die hoogste pieke in Skotland, Engeland en Wallis.

Kate, wat in 2024 met kanker gediagnoseer is en verlede jaar aangekondig het dat sy in remissie is, sê sy wou deur die uitdaging aandag vestig op die impak van ernstige siektes en die belangrikheid van holistiese sorg.

Die geld wat ingesamel word, gaan aan die Royal Marsden Cancer Charity, waar sy behandeling ontvang het.

Catherine. FOTO: CBS News