Cell C neem Okosa hof toe

Cell C het die Onafhanklike Kommunikasie-owerheid van Suid-Afrika (Okosa) hof toe geneem om R28.8 miljoen te verhaal wat as 'n deposito tydens die 2022-spektrumveiling betaal is.

Die bedrag verteenwoordig 10% van sy bod van R288.2 miljoen vir spektrum.

Okosa sê die saak word steeds deur sy regsadviseurs oorweeg en die uitkoms daarvan is nog onseker.

Moneyweb berig dat Cell C die regsprosedures bevestig het, maar geweier het om kommentaar oor die meriete daarvan te lewer, met die verduideliking dat die saak voor die hof dien.

Ter illustrasie. FOTO: Wix