Centlec bedank ‘n Bloem-woonbuurtvereniging

Bloemfontein se kragverskaffer, Centlec, het die Fichardtpark woonbuurtvereniging (FWA) bedank vir hul goeie werk om ‘n vermeende kabeldief vas te trek.  

Die verdagte was glo besig was om kabels in Hudson Rylaan, Bloemfontein, te steel.

Luidens ‘n plasing op sosiale media het Senforce die verdagte gerapporeer, waarna ‘n sekuriteits bestuurder van die FWA die verdagte met kabels in sy besit betrap het.

Na verdere ondersoek is die verdagte deur die blitspatrolie vir diefstal en beskadiging van noodsaaklike infrastruktuur in hegtenis geneem.

Centlec voeg by die verdagte kan, indien hy skuldig bevind word, tot 30 jaar tronkstraf opgelê word.

FOTO: Facebook