Centlec se nuwe voertuie sal dienslewering verbeter

Volgens Bloemfontein se kragverskaffer, Centlec, sal sy nuwe voertuigvloot help om dienslewering in die Mangaung-metro te verbeter.

Die burgemeester van die Mangaung Metro Munisipaliteit, Gregory Nthatisi, het die voertuie Maandag saam met ander amptenare aan die kragverskaffer oorhandig.

Luidens ‘n plasing op Centlec se sosiale media vorm die nuwe vloot deel van die nutsmaatskappy se plan om sy bedryfsvermoë te versterk sodat tegniese spanne vinniger op diensversoeke kan reageer, beplande instandhouding kan doen en infrastruktuurontwikkeling in sy bedieningsgebiede kan ondersteun.

Nthatisi sê die belegging weerspieël Centlec se verbintenis om dienslewering te verbeter.

FOTO: Facebook