Chery gee sy nuwe bakkie 'n Afrikaanse naam

Saamgestel deur Ilde Roos

2 hours ago

1 min read

Chery Suid-Afrika se eerste een-ton-bakkie wat vroeg volgende jaar in Suid-Afrika bekend gestel word, sal 'n Afrikaanse naam hê.

Die Chinese motorvervaardiger het bevestig dat sy antwoord op die Toyota Hilux en Ford Ranger op die plaaslike mark die Grootman genoem sal word. Dit volg nadat die publiek genooi is om name voor te stel, met meer as 20 000 inskrywings wat ontvang is.

IOL berig Chery sê Grootman is ’n bekende Suid-Afrikaanse uitdrukking van respek. Dit beskryf iemand wat hul status deur ervaring, prestasies en die manier waarop hulle verantwoordelikheid aanvaar, verdien het.

Chery Suid-Afrika het gerugte ontken dat hy aan ’n kleiner bakkie genaamd Mannetjie of ’n afgeleide model genaamd Oompie werk.