Chikunga by Brics Vroueforum in Rusland

Die minister vir Vroue, Jeug en Persone met Gestremdhede, Sindisiwe Chikunga, gaan Vrydag openingstoesprake by die Brics Vroueforum in Rusland lewer. Die forum poog om te fokus op die versterking van samewerking in vroue se leierskap oor sektore soos finansies, landbou en gesondheidsorg. Volgens die minister se woordvoerder, Cassius Selala, sal sy ook met Rusland se minister van Arbeid en Maatskaplike Beskerming, Anton Kotyakof, vergader.