China vra ‘n ondersoek na navorser se dood
- Saamgestel deur Nadia Pieters
- Apr 10
- 1 min read
China het die Verenigde State versoek om die dood van ’n Chinese skyfietegnologie-navorser by die University of Michigan te ondersoek.
Die wetenskaplike is verlede maand op kampus dood aangetref ná bewerings dat hy aan intense ondervraging onderwerp is.
Die universiteit sê hulle ondersoek intussen ’n moontlike geval van selfbesering nadat die navorser van ’n kampusgebou geval het.
Die Chinese ambassade in die VSA sê die saak is reeds herhaaldelik onder die aandag van owerhede gebring.
Die ambassade doen ook ’n beroep op Chinese studente in die VSA om bewus te wees van hul veiligheid en versigtig op te tree tydens kontak met wetstoepassers.
Comments