Chinese beleggers belê miljarde in die Vrystaat
- Saamgestel deur Nadia Pieters
- 1 hour ago
- 1 min read
Chinese beleggers gaan R100 miljard in die Vrystaat belê in projekte wat na verwagting duisende werksgeleenthede sal skep.
Inligting wat deur die Vrystaatse Provinsiale Regering gedeel is, sê premier MaQueen Letsoha-Mathae het by haar amptelike woning in Bloemfontein met verteenwoordigers van Chinese maatskappye vergader om die beleggings verder te bespreek.
Die beleggings sal na verwagting werk in onder meer vervaardiging, konstruksie, logistiek, ingenieurswese en hernubare energie skep.
Die plan sluit ook die opleiding van meer as 2 000 gekwalifiseerde tegnici vir elektriese voertuie oor die volgende vyf jaar in.
Volgens die provinsiale regering kan die projekte nuwe geleenthede vir jongmense en klein ondernemings in die Vrystaat skep.
Comments