Citroën reik dringende lugsakherroeping uit

Stellantis Suid-Afrika het 'n dringende lugsakherroeping uitgereik vir Citroën C3- en DS3-modelle wat tussen 2009 en 2019 vervaardig is. IOL berig die motorvervaardiger het gesê klante moet dadelik ophou om hierdie voertuie te bestuur en om hul naaste handelaar so gou moontlik te kontak om 'n gratis vervanging van hul Takata-lugsakke te skeduleer. Chemiese komponente van Takata-lugsakke kan mettertyd versleg, veral wanneer dit aan warm en vogtige klimaatstoestande blootgestel word. In die geval van 'n botsing wat vereis dat die lugsak ontplooi, kan die lugsak-opblaastoestel weens oormatige krag bars, wat moontlik ernstige beserings of selfs dood kan veroorsaak, het Stellantis Suid-Afrika in 'n verklaring gesê. Die lugsakvervangingsproses sal minder as twee uur neem om uitgevoer te word.