Cliff Richard onthul hy het kanker

Cliff Richard het onthul dat hy die afgelope jaar vir prostaatkanker behandel is.

Die 85-jarige Britse popster het egter in dieselfde asem aangekondig dat sy kanker “op die oomblik weg is.”

Maroela Media berig Richard het tydens ʼn onderhoud op ITV gepraat. Hy het van die geleentheid gebruik gemaak om te vra dat daar ʼn nasionale toetsprogram vir mans van stapel gestuur word en om mense aan te spoor om “daar te kom, getoets en gekontroleer te word”.

Richard se aankondiging kom kort nadat koning Charles III van Brittanje onthul het dat sy eie behandeling vir ʼn onbekende kanker in die nuwe jaar verminder sal word.

Cliff Richard. FOTO: The Sun