Cogta vra vir verbeterde dienslewering in Vrystaat

Die adjunkminister van Samewerkende Regering en Tradisionele Sake (Cogta), Dickson Masemola, het munisipaliteite in die Vrystaat versoek om hulle weer tot die verbetering van dienslewering te verbind. Tydens die ministeriële ondersteuning en intervensie-besprekings in QwaQwa, het hy gesê uitdagings in basiese dienslewering soos water en elektrisiteit is aan swak bestuur van infrastruktuur te wyte. Volgens die adjunkminister se woordvoerder, Legadima Leso, het Masemola die belangrikheid van aanspreeklikheid en die verbetering van oudituitkomste in plaaslike regerings beklemtoon.