Cosatu hou landwyd optogte as deel van wêrelddag vir ordentlike werk

Saamgestel deur Ilde Roos

Oct 7

1 min read

Die vakbondfederasie Cosatu hou Dinsdag landwyd optogte as deel van wêrelddag vir ordentlike werk.

Volgens Cosatu staar werkers verskeie uitdagings in die gesig, insluitend massa-afleggings, werkgewers se versuim om aan minimumloonvereistes te voldoen en aanvalle op werkers se reg tot kollektiewe bedinging.

SABC-nuus berig 'n woordvoerder, Zanele Sabela, sê hulle sal onder meer na Sun International opruk oor beplande posbesnoeiings en na Mass Mart oor die afdanking van honderde Makro-werkers.

Volgens Sabela is bykans 600 Makro-werkers in 2021 afgedank omdat hulle deelgeneem het aan 'n wettige en beskermde staking.