CRAVENWEEK RUGBY: Vrystaat gaffel Blou Bulle / SWD stoomroller Leeus

Die derde dag van die o.18 Cravenweek het weereens puik skole rugby opgedis. Die Suidwestelike Distrike-Arende het hul plek in Saterdag se hoofwedstryd bespreek nadat hulle die Leeus getrap het met 54 – 22. Die Vrystaat het uiteindelik op die wenpad gekom en sewe keer agter die Ligbloues se doelgebied gaan grond koop  vir 'n eindtelling van 52 – 33. Die Westelike Provinsie XV-tal het die Pumas met 45 – 14 ore aangesit terwyl die Limpopo Bulle die Griffons in ’n drieë fees met 49 – 44 geklop het. Donderdag  se bepalings is as volg: 10h00: Boland vs. Valke 11h30: Griekwas vs. Luiperds 13h00: Grens vs. OP 14h30: WP vs. Haaie Alle wedstryde word regstreeks op  SuperSport 211  uitgesaai.