DA eis optrede teen Mangaung-amptenare
- Saamgestel deur Nadia Pieters
- Mar 31
- 1 min read
Die DA in Mangaung vra vir dissiplinêre stappe teen senior metro-amptenare oor volgehoue diensleweringsprobleme.
In ’n mediaverklaring sê DA-raadslid Dirk Kotzé dat die party die stadsbestuurder versoek het om op te tree teen twee departementshoofde.
Die oproep volg ná bevindings dat die metro inwoners se regte skend, met probleme soos swak vullisverwydering, onwettige storting en verwaarloosde infrastruktuur.
Volgens Kotzé het daar min verbetering gekom, ten spyte van aanbevelings, en onlangse dieseltekorte het weer vullisverwydering ontwrig.
Hy sê die herhalende probleme dui op swak beplanning en bestuur, en dat aanspreeklikheid nou noodsaaklik is.
Die DA wil hê dissiplinêre ondersoeke moet ingestel word en dat ’n duidelike plan opgestel word om dienslewering te herstel.
Comments