Daar is kommer oor die poskantoor se moontlike ineenstorting

Saamgestel deur Nadia Pieters
Feb 12
1 min read

Daar is kommer oor die dreigende ineenstorting van die Suid-Afrikaanse Poskantoor.

Cosatu sê hulle wil ‘n dringende vergadering met die regering oor die krisis hou.

Die kommer volg op berigte dat die Nasionale Tesourie nog nie die R3.8-miljard aan die poskantoor betaal het wat die regering onderneem het om te betaal nie.

Intussen het die poskantoor glo ook nog nie ooreengekome betalings van die Werkloosheidsversekeringsfonds se Tydelike Werknemerverligtingskema ontvang nie.

Cosatu se parlementêre koördineerder, Matthew Parks, sê die gebrek aan hierdie betalings is kommerwekkend.